စာကြည့်တိုက်နှင့် ပုံနှိပ်ထုတ်ဝေမှုများ

burmesebooks2_web နိုင်ငံရပ်ခြားတွင် ပုံနှိပ်ထုတ်ဝေ ပြီး ပြည်တွင်းတွင် လွယ်လင့်တကူမရနိုင်သည့် မြန်မာပြည်လေ့လာရေးဆိုင်ရာ ပညာရပ်စာတမ်းများ (ဆောင်းပါးရော စာအုပ်များပါ) သုတေသနစာကြည့် တိုက်တွင် အခမဲ့ အသုံးပြုနိုင်ပါသည်။ အိမ်နီးချင်း အရှေ့တောင်အာရှ တိုင်းပြည်များအကြောင်း ပုံနှိပ်ထုတ်ဝေသည့် ကျမ်းရင်းများ အပါအဝင် လူမှုသိပ္ပံနှင့် ဝိဇ္ဇာဘာသာရပ် နယ်ပယ်အသီးသီးဆိုင်ရာ ပြဌာန်း စာအုပ်များ လည်း ထားရှိပေးထားပါသည်။  Penny and John Van Esterik, Rosalia Sciortino and O’ong Maryona, Alan Feinstein, and Patrick McCormick မှလည်း စာအုပ်များကိုလှူဒါန်းထားတဲ့အတွက် Inya Institute မှ ကျေးဇူးတင်ရှိပါသည်။

သုတေသန စာကြည့်တိုက်သည် သုတေသန လုပ်ငန်းဆောင်ရွက်နေသူများ သို့မဟုတ် သုတေသနနှင့် နည်းနိဿယပိုင်း ကျွမ်းကျင်အောင် လေ့ကျင့်လိုသူ များအတွက် အမြဲတမ်းတံခါးဖွင့်ထားပါသည်။ အထူးသဖြင့် ပညာရှင်များအား အထူးတလည် ကြိုဆိုပါသည်။ ဆိတ်ငြိမ်သော လေအေးပေးစက်သုံး အခန်းတွင် (optic fiber) အင်တာနက် အခမဲ့ အသုံးပြုနိုင်ပါသည်။

Inya Institute ၏ website တွင် ရှားပါးစာအုပ် စာတမ်းများ ပါရှိသည့် အင်တာနက် စာကြည့်တိုက်တစ်ခု လွှင့်တင်ပေးထားပါသည်။

(Gladys Krieble-Delmas Foundation, NY မှ ထောက်ပံ့ပေးထားပါသည်။)

ဗြိတိသျှစာကြည့်တိုက် ရှားပါးမော်ကွန်းများ စုဆောင်းထိန်းသိမ်းသည့် အစီ အစဉ်မှ ဘဏ္ဍာငွေ ထောက်ပံ့ပေးထားသည့် စီမံကိန်းတစ်ရပ်တွင် Inya Institute သည် တွဲဖက်အနေဖြင့် မော်ကွန်းစုဆောင်းထိန်းသိမ်းပြီး မြန်မာ ပြည်တွင်းရှိ ဘုန်းကြီးကျောင်းများမှ ပေ၊ ပုရပိုက်များကို စစ်တမ်းကောက်ယူ ရန်လည်း အားထုတ်နေပါသည်။ စီမံကိန်းဆောင်ရွက်သည့် ကာလတစ် လျှောက်လုံး ဒစ်ဂျစ်တယ် နည်းပညာသုံး ရိုက်ကူးထားသော လက်ရွေးစင် ပေ၊ ပုရပိုက်များနှင့်တကွ စစ်တမ်းကောက် စုဆောင်းထားသော ပေ၊ ပုရပိုက် စာရင်းများကိုပါ Inya Institute ၏ website ပေါ်တွင် ကြည့်ရှုနိုင်စေရန် စီစဉ် ပေးသွားမည် ဖြစ်ပါသည်။

ျမန္မာနိုုင္ငံတြင္း အျခားေနရာေဒသမ်ားရွိ လက္ေရးမူမ်ားအားလည္း အလားတုူစြာ ဒစ္ဂ်စ္တယ္စုုေဆာင္းမႈသ႔ိုု ထည့္သြင္းမည္ျဖစ္သည္။

ယောခ့် တက္ကသိုလ် (ကနေဒါ) မှ လုပ်ဆောင်နေသည့် မြန်မာဒစ်ဂျစ်တယ် မော်ကွန်း စုဆောင်းရေး စီမံကိန်းတွင် Inya Institute သည် ပြည်တွင်း တွဲဖက် အဖွဲ့အစည်းဖြစ်သည်။ ယင်း စီမံကိန်းမှ ဒစ်ဂျစ်တယ်နည်းပညာဖြင့် ရိုက်ကူး ထားသည့် ပါဠိနှင့်မြန်မာ ပုရပိုက်များနှင့် တစ်ဆယ့်ကိုးရာစုနှင့် နှစ်ဆယ်ရာစုဦး တွင် ထုတ်ဝေခဲ့သည့် စာအုပ်၊ သတင်းစာနှင့် အပတ်စဉ်လစဉ် မဂ္ဂဇင်း၊ ဂျာနယ် များကိုလည်း ရယူအသုံးပြုနိုင်လိမ့်မည် ဖြစ်ပါသည်။

    • ရေရှည်လုပ်ဆောင်သွားမည့် လုပ်ငန်းအစီအစဉ်များတွင် ပညာရပ် ဆိုင်ရာ စာအုပ်စာတမ်းများကို အချင်းချင်း အပြန်အလှန် သုံးသပ် အကဲဖြတ်ပြီး ပုံနှိပ်ထုတ်ဝေသွားရန်နှင့် ပညာရပ်နှီးနှောဖလှယ် ပွဲများလည်း ကျင်းပပြုလုပ်သွားရန်  ပါဝင်ပါသည်။
    • သုတေသန နည်းနိဿယပိုင်းဆိုင်ရာ၊ ဘာသာရပ်အလိုက် အထူးပြု စာအုပ်များကိုလည်း အခါအားလျှော်စွာ ထုတ်ဝေသွားမည် ဖြစ်ပါသည်။

လက်ရှိ ပုံနှိပ်ထုတ်ဝေရေး လုပ်ငန်း

အင်္ဂလိပ်မြန်မာ နှစ်ဘာသာပါ လူမှုသုတေသန နည်းနိဿယ လက်စွဲ – ၎င်းလုပ်ငန်း၏ အစိတ်အပိုင်းအနေဖြင့် ယခင် သင်တန်းအတွေ့အကြုံများမှ ရရှိလာသော သင်ခန်းစာများကို အခြေခံကာ အင်္ဂလိပ်-မြန်မာ နှစ်ဘာသာပါ လူမှုသုတေသန နည်းနိဿယ လက်စွဲစာအုပ်တစ်အုပ် ထုတ်ဝေခဲ့ပါသည်။

ယင်းစာအုပ်တွင် လူမှုသုတေသန သဘောတရား အနက်အဓိပ္ပါယ်ကို သဘော ပေါက်စေရန် လက်ရှိ မြန်မာနိုင်ငံ အခြေအနေနှင့် ကိုက်ညီသောဥပမာများ၊ လေ့ကျင့်ခန်းများ အသုံးပြုကာ အထူးဝါယမစိုက်၍ ရှင်းလင်းပြသထားသည်။ ၎င်းအပြင် စာအုပ်၏ အားသာချက်တစ်ခုမှာ အင်္ဂလိပ်နှင့် မြန်မာ တစ်မျက်နှာစီ ကို ဘေးတိုက်အနေအထား ယှဉ်လျက် စီစဉ်ထားခြင်းဖြစ်သည်။ ၎င်းစီစဉ်ပုံမှာ စာအုပ်ပါ သဘောတရားများကို ပိုမိုကောင်းမွန်စွာ သဘောပေါက်နိုင်ရေး အတွက် လွန်စွာအရေးပါသည်။ ယင်းစာအုပ်အား ရန်ကုန်၊ မန်တလေး၊ ရတနာပုံနှင့် မောျလမွိုငျတက်ကသိုလျများရှိ ရှေးဟောင်းသုတေသနဌာနများနှင့် အရပ်ဖက်လူမှုအဖွဲ့အစည်းအများအပြားထံသို့ ဖြန်.ဖြူးခဲ့ပြီးဖြစ်ပါသည်။